Dom Ndre Zadeja – Kunora e Bylbylave

June 3, 2025 3

“O Zot, ç’ka duhet me ba ma shumë, për me kenë Shqiptar?!”

– Dom Ndre Zadeja, 25 Mars, 1945

Kunora e Bylbylave
Dom Ndre Zadeja

Leht i prekë me fletë zbunimi

Zemren zemrave tuj qase

Ndin se rrahin prej mallnjimi

Se jan fry e duen me plasë

Këndon bylbyli ban se s’ndjeva

Shkundet puplash ban se s’pa

Po kur doren mbrendë e ktheva

Me ty bashk bylbyl kam kja.

Zoga te bukra delni,eni

Sot prej prindve do tu daje

Gja s’po merrni gja s’po keni

Bukurija e vetmja paje.

Rrokni babë e puthni nanë

Te dyvet lypni hallall

Me sy matnje ane e m’ane

Shpin qe sot u qet me mall

I percjellë kafazi i vjeter

Udhamare bylbyka të mi

Shkoni e gjeni i kafaz tjeter

Shkoni e gjeni prind te ri.

Besabese fort jam idhnue

E ksaj jete s’di çka me i than

Zemra zemren me largue

Syni synit lot me i dhan.

Prendverë të vitit 1933

Written by: pradm

Rate it